میانمار :سکیورٹی اہلکاروں کے بدترین کریک ڈاون کے باوجودجمہوریت پسندوں کا احتجاج

غیر ملکی خبر رساں ادارے کے مطابق  ینگون سمیت ملک کے مختلف شہروں  میں برمی شہری آج بھی سڑکوں پر نکلے اور  فوجی بغاوت کیخلاف اپنا احتجاج ریکارڈ کروایا۔مظاہرین نےاقوام ِمتحدہ کی سکیورٹی کونسل کے اجلاس میں سامنے آنیوالے چینی موقف پر بھی غم و غصے کا اظہار کیا۔

چین  نے فوجی بغاوت کی مذمت کیےبغیرکہاتھاکہ وہ میانمار میں کشیدگی کم کرنے  کیلئے تمام پارٹیوں سے رابطے میں ہے۔اقوام متحدہ میانمار میں فوجی بغاوت کی مذمت کرچکاہے اور مظاہرین کے خلاف طاقت کے جارحانہ استعمال پر بھی خدشات کا اظہار کیاجاچکاہے۔

واضح رہے کہ  برما میں فوجی بغاوت کے خلاف ہونیوالے ان مظاہروں میں اب تک  ساڑھے پانچ سو سے زائد افراد مارےجاچکے ہیں۔