ٹی 20 ورلڈکپ : فخر زمان ایک بار پھر انجری کا شکار 

تفصیلات کے مطابق ٹی ٹوئنٹی ورلڈ کپ میں جنوبی افریقا کے خلاف بڑے میچ سے پہلے بڑا دھچکا ،  پاکستان ٹیم کے ڈاکٹر نجیب سومرو نے سڈنی اسٹیڈیم میں میڈیا سے گفتگو میں بتایا کہ فخر زمان کی انجری وہ ہی ہے جو ایشیاء کپ میں تھی۔

ان کا کہنا تھا  کہ فخر زمان  کے سکین کرائے گئے ہیں، وہ کل کے میچ کے لیے دستیاب نہیں ہوں گے ، فخر زمان نیدر لینڈ کیخلاف رنز لینے کے دوران انجری کا شکار ہوئے ، میڈیکل پینل ان کی انجری کو سنجیدگی سے دیکھ رہا ہے ۔

ڈاکٹر نجیب سومرو کا کہنا تھا کہ فخر زمان کو کھلا کہ رسک لیا تھا کبھی کبھی اس طرح کے رسک میں کامیابی ملتی ہے کبھی انجری دوبارہ سر اٹھا لیتی ہے ،  فخر زمان پر زیادہ رسک نہیں لیں گے۔ 

یاد رہے کہ پاکستان اور جنوبی افریقا کے درمیان میچ کل سڈنی میں شیڈول ہے۔

واضح رہے ٹی ٹوئنٹی ورلڈ کپ کے گروپ ٹو میں آج دو میچز کھیلے جائیں گے، پہلے مقابلے میں نیدر لینڈز کا مقابلہ زمبابوے سے ہورہا ہے  جبکہ اسی میدان پر دوسرے اہم میچ میں بنگلادیش اور بھارت مدمقابل ہوں گے۔