لانگ مارچ  کا شیڈول ایک بارپھر تبدیل ، عمران خان 10 نومبر کو راولپنڈی پہنچیں گے 

تفصیلات کے مطابق پی ٹی آئی رہنما اسد عمر کی جانب سے سوشل میڈیا پر ایک پیغام جاری کیا گیا ہے ۔

سابق وفاقی وزیر اسد عمر نے سماجی رابطے کی ویب سائٹ ٹوئٹر پر ایک پیغام میں بتایا کہ حقیقی آزادی مارچ کے نئے شیڈول کے مطابق عمران خان 10 نومبر کو راولپنڈی پہنچیں گے جبکہ 11 نومبر کو تمام قافلے اسلام آباد پہنچیں گے۔

حقیقی آزادی مارچ کے نئے شیڈول کے مطابق انشاءاللہ کپتان 10 نومبر کو راولپنڈی پہنچیں گے اور 11 نومبر کو تمام پاکستان سے قافلے اسلام آباد پہنچیں گے #حقیقی_آزادی_لانگ_مارچ

— Asad Umar (@Asad_Umar) November 2, 2022

دوسری جانب  تحریک انصاف کے لانگ مارچ کے چھٹے دن کا آغاز گوجرانوالہ میں بائی پاس سے ہو گا جہاں تحریک انصاف کے کارکنان کو 11 بجے تک پہنچنے کہ ہدایات جاری کی گئیں تھیں۔

عمران خان آج گیارہ سے ساڑھے گیارہ بجے تک اپنی رہائش زمان پارک سے گوجرانوالہ کے لئے روانہ ہوں گے ۔ عمران خان راولپنڈی بائی پاس گوجرانوالہ سے لانگ مارچ قافلہ کی قیادت کرینگے۔

گزشتہ روز  پاکستان تحریکِ انصاف کی جانب سے لانگ مارچ کے روٹ میں تبدیلی کی گئی ہے۔

New schedule of historic Haqeeqi Azadi March! #حقیقی_آزادی_لانگ_مارچ pic.twitter.com/MozUJuW9U3

— PTI (@PTIofficial) November 1, 2022

یاد رہے کہ عمران خان کا حکومت مخالف لانگ مارچ گزشتہ جمعے لبرٹی چوک لاہور سے شروع ہوا تھا۔