آن لائن ریٹیلر کمپنی علی باباکا پونے 3ارب ڈالر کا جرمانہ ادا کرنے کا اعلان

تفصیلات کے مطابق   چین نےدنیا کی سب سے بڑی آن لائن ریٹیلر کمپنی علی بابا کو پونے 3 ارب ڈالر جرمانہ کردیا، چینی حکام کا کہنا ہے کہ  علی بابا کمپنی نے مارکیٹ میں اپنی غالب پوزیشن کا کئی برس ناجائز فائدہ اٹھایا۔ علی بابا کمپنی نے فیصلہ قبول کر لیا، جرمانہ ادا کرنے کا اعلان بھی کردیا۔ علی بابا کمپنی ریٹیل کے علاوہ ڈیجیٹل ادائیگیوں، کریڈٹ اور کلاؤڈ کمپیوٹنگ سے بھی منسلک ہے، علی بابا کمپنی کو کیا گیا جرمانہ اس کے سالانہ ریونیو کا چار فیصد ہے۔

علی بابا نے آن لائن کاروبار کرنے والوں کو دوسرے پلیٹ فارمز کے استعمال سے روکا، علی بابا کمپنی کو جرمانہ اس کے بانی مالک جیک ما کی حکومت پر تنقید کے بعد کیا گیا ہے، جیک ما اکتوبر میں حکومت پر تنقید کے بعد سے منظرعام پر نہیں آئے ہیں ۔