محسن نقوی نے نگراں وزیراعلیٰ پنجاب کا حلف اٹھا لیا

اسلام آباد: محسن رضا نقوی نے نگراں وزیراعلیٰ پنجاب کا حلف اٹھا لیا۔ حلف برداری کی تقریب گورنر ہاؤس میں منعقد ہوئی۔

گورنر پنجاب بلیغ الرحمان نے محسن نقوی سے حلف لیا، الیکشن کمیشن نے حکومت اور اپوزیشن کی جانب سے تجویز کردہ مجموعی طور پر چاروں ناموں پر غور کرنے کے بعد محسن نقوی کو نگراں وزیراعلیٰ پنجاب مقرر کیا تھا۔

حکومت کی جانب سے نگراں وزیراعلیٰ پنجاب کے لیے نوید چیمہ اور احمد نواز سکھیرا جبکہ اپوزیشن کی جانب سے محسن رضانقوی اور احد چیمہ کا نام تجویز کیا گیا تھا۔

سابق وزیر اعلیٰ پنجاب پرویز الٰہی نے محسن نقوی کو نگراں وزیراعلیٰ پنجاب بنانے پر سپریم کورٹ جانے کا اعلان کردیا ہے ۔

سابق وزیر اعظم عمران خان نے بھی اپنے ایک بیان میں کہا کہ الیکشن کمیشن نے پاکستان تحریک انصاف کے دشمن کو نگران وزیر اعلیٰ پنجاب منتخب کیا ہے ۔

الیکشن کمیشن کے جاری اعلامیہ کے مطابق آرٹیکل 224 اے 3 کے تحت نگراں وزیراعلیٰ پنجاب کی تعیناتی کا اہم اجلاس کمیشن میں ہوا اور کمیشن نے مکمل غورو خوض کے بعد سید محسن رضا نقوی کو نگراں وزیراعلیٰ پنجاب تعینات کردیا۔