این سی او سی نے پنجاب میں مکمل لاک ڈاؤن کی تجویز مسترد کر دی

تفصیلات کے مطابق  اسلام آباد میں این سی او سی کا خصوصٰ اجلاس ہوا جس میں رمضان المبارک سے متعلق نئے ایس او پیز پر غور کیا گیا۔دیگر صوبوں کے وزرائے اعلیٰ ویڈیو لنک کے ذریعے شریک ہوئے۔

اجلاس میں وزارت صحت اور وزارت تعلیم کے سیکریٹریز نے بھی شرکت کی۔ پنجاب حکومت کی جانب سے  لاک ڈاؤن مزید 2 ہفتے بڑھانے اور لاہور کو مکمل بند کرنے  کی تجویز  پر بھی مشاورت کی گئی ۔

ذرائع کے مطابق این سی او سے نے پنجاب حکومت کی دوہفتوں کی تجویز سے اتفاق نہیں کیا۔اجلاس میں صورتحال کو دوسے تین دن تک مانیٹر کرنے کا فیصلہ کیا گیا۔روان ہفتے جائزہ لینے کے بعد لاک ڈاؤن بارے فیصلہ کیا جائے گا۔  

یاد رہے گزشتہ روز ایوان وزیر اعلی پنجاب میں صوبائی وزیر صحت ڈاکٹر یاسمین راشد کی سربراہی میں انسداد کیبنٹ کمیٹی برائے کورونا کا اہم اجلاس ہوا تھا جس میں عسکری قیادت سمیت دیگر اعلی حکام نے شرکت کی تھی۔ اجلاس میں محکمہ صحت کی جانب سے لاہور سمیت پنجاب کے آٹھ اضلاع میں مکمل  لاک ڈاؤن کی سفارشات پیش کی گئیں تھی۔

محکمہ صحت نے کمیٹی کو لاہور میں 14 روز کے مکمل  لاک ڈاؤن لگانے کی سفارشات پیش کیں تھی، اجلاس میں لاہور کے اندر لاک ڈاؤن کو مزید سخت کرنے کی سفارشات بھی پیش کیں گئیں تھی۔