ترکیہ، شام ہلاکتیں 23 ہزار تک پہنچ گئیں

انقرہ: ترکیہ اور شام میں ہولناک زلزلے سے اموات کا سلسلہ جاری ہے، ہر بار ملبہ اٹھاتے ہی دل دہل جاتا ہے۔

تباہ حال عمارتوں کے ملبے سے لاشوں اور زخمی افراد کو نکالنے کا سلسلہ تاحال جاری ہے، ہلاکتیں23 ہزار سے تجاوز کر گئیں، متاثرہ علاقوں میں زلزلے کے بعد ایک ہزار سے زائد آفٹر شاکس نے متاثرین کی پریشانیوں میں مزید اضافہ کیا۔

 اقوام متحدہ کے مطابق شام میں زلزلے کے بعد 5.3 ملین افراد کے بے گھر ہونے کا خدشہ ہے، جبکہ ترکی اور شام میں تقریباً 900,000 افراد کو فوری طور پر گرم خوراک کی ضرورت ہے۔