بلدیہ عظمیٰ کے تحت کراچی گیمز 2023 کے مقابلے جاری 

کراچی: بلدیہ عظمیٰ کے تحت کراچی گیمز 2023 کے مقابلے جاری ہیں، پاکستان نیوی روشن خان، جہانگیر خان مردوں اور خواتین کے سکواش کے فائنل مقابلے ہوئے۔

ڈاکٹر خالد مقبول صدیقی بھی مقابلے دیکھنے پہنچے، اس موقع پر ان کا کہنا تھا کہ کراچی میں اٹھارہ سال بعد گیمز ہورہے ہیں،ورنہ کراچی کے ساتھ گیم ہورہاتھا، یہاں وہ لوگ کھیلتے تھے جو دنیا میں راج کرتے تھے۔

ایڈمنسٹریٹر کراچی سیف الرحمن نے کہا کہ اس سے قبل شہر میں اتنے بڑے پیمانے پر گیمز کا انعقاد نہیں ہوا ہوگا، جس پر انتظامیہ تعریف کی مستحق ہے۔
 
مقابلوں میں کھلاڑی جوش و خروش سے حصہ لے رہے ہیں جبکہ عوام کی جانب سے ان کی پزیرائی بھی کی جارہی ہے۔