ملک میں مہنگائی کا طوفان زور پکڑ گیا 

لاہور: رمضان سے قبل ہی ملک بھر میں مہنگائی کا طوفان زور پکڑ گیا ہے۔

آٹا، چینی، دالیں، گھی، مرغی اور سبزیوں کی قیمتوں میں مسلسل اضافہ ہورہاہے، رمضان کی آمد سے قبل ہی مہنگائی نے عوام کی چیخیں نکلوادی ہیں۔

لاہور میں مرغی کے گوشت کی قیمت 650 روپے تک جا پہنچا ہے، سبزیوں کی قیمت میں بھی 15 سے 20 روپے کا اضافہ ریکارڈ کیا جارہا ہے۔

پشاور مارکیٹ میں 20 کلو آٹے کا تھیلا 2700 سے بڑھ کر 2900 روپے جبکہ مکس آٹے کے 20 کلو آٹے کا تھیلا 2500 سے تجاوز کرکے 2700 تک پہنچ چکا ہے۔

ملتان میں ادرک 700 اور پیاز 170 روپے فی کلو تک پہنچ گیا ہے ۔

کوئٹہ میں یوٹیلیٹی سٹورز پر سبسڈائز آٹا ہی دستیاب نہیں ہے ، شہری خوار ہوکر واپس لوٹنے پر مجبور ہیں۔
 
پھلوں کی قیمتیں بھی آسمان سے باتیں کررہی ہیں، دکانداروں کا کہنا ہے کہ ڈالر اور پٹرول کی قیمتوں میں اضافہ سے چیزوں کی قیمتیں بھی اوپر جائیں گی۔