تحریک انصاف نے ریلی ملتوی کر دی: حماد اظہر

لاہور :حماد اظہر نے پریس کانفرنس کرتے ہوئے کہا کہ آج کی تحریک انصاف کی ریلی کو ملتوی کر دیاگیا ہے۔ 

لاہور میں پریس کانفرنس کرتے ہوئے پی ٹی آئی کے رہنما حماد اظہر کا کہنا تھا کہ ان کی ابھی عمران خان کے ساتھ بات ہوئی ہے،  پی ٹی آئی نے ریلی ملتوی کردی ہے۔

حماد اظہرکا کہنا تھا کہ ریلی کل یا بعد میں بھی ہوسکتی ہے، ہم پرامن انتخابات اور پرامن انتقال اقتدار  چاہتے ہیں،  ارباب  اختیار شہر کے راستےکھول دیں۔

ان کا کہنا تھا کہ ہمیں دیوار سے لگایا گیا لیکن ہم نے آئین اور قانون کا راستہ نہیں چھوڑا۔

تحریک انصاف کے چیئرمین عمران خان  نے ٹوئٹ کیا ہے کہ  ریلی کل تک ملتوی کرنے کا اعلان کرتا ہوں ۔ کارکنان سے درخواست کرتا ہوں کہ اس جال میں نہ پھنسیں ۔ تحریک انصاف انتخابی ریلی کا اعلان  کل یا بعد میں کیا جائے گا۔