افطار کے وقت روڈ بلاک کرنے پر 20 ٹک ٹاکرز کے خلاف مقدمہ درج

لاہور: گلبرگ لاہور میں افطار کے اوقات میں روڈ بلاک کرکے ویڈیو بنانے پر 20 ٹک ٹاکرز کے خلاف مقدمہ درج کرلیا گیا۔

ترجمان ٹریفک پولیس کے مطابق ٹک ٹوکر خرم گجر اور ان کے ساتھیوں نے ٹریفک وارڈنز کے ساتھ بدتمیزی کی۔

پولیس نے بتایا کہ ٹک ٹاکرز نے لبرٹی راؤنڈ اباؤٹ کے قریب سڑک بلاک کر دی تھی۔ پٹرولنگ آفیسر نے انہیں ایک طرف ہٹ جانے کو کہا کیونکہ ٹریفک بلاک ہو رہی تھی۔

میڈیا رپورٹس میں بتایا گیا ہے کہ ملزم کے خلاف پاکستان پینل کوڈ کی مختلف دفعات کے تحت تھانہ گلبرگ میں مقدمہ درج کر لیا گیا ہے۔