سربیا میں فائرنگ کے ایک اور واقعے میں 8 راہگیر ہلاک اور 13 زخمی

مسلح ملزم فائرنگ کے بعد بآسانی فرار ہوگیا جسے بعد میں گرفتار کر لیا گیا۔وزارت داخلہ کے مطابق قاتل جس کی شناخت صرف اے کے ابتدائی نام "یو بی" سے ہوئی ،اسے کراگراجیویک شہر کے قریب سے حراست میں لیا گیا ہے۔

پولیس کا کہنا ہے کہ فائرنگ کے واقعے میں 8 افراد ہلاک اور 13 زخمی ہوگئے جنھیں قریبی اسپتال منتقل کردیا گیا۔ زخمیوں میں سے 4 کی حالت نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔

پولیس ترجمان نے میڈیا سے گفتگو میں بتایا کہ فائرنگ کا یہ واقعہ مقامی دہشت گردی ہے اس میں غیرملکی سازش کے شواہد نہیں ملے۔

واضح رہے کہ بدھ کے روز ساتویں جماعت کے ایک طالب علم نے اپنے والد کے پستول سے اسکول میں اندھا دھند فائرنگ کرکے سیکیورٹی گارڈ اور 8 طلبا کو قتل کردیا تھا۔