مہنگی اشیا فروخت کرنے پر منافع خوروں کیخلاف کارروائی، جرمانے عائد

تفصیلات کے مطابق   کراچی میں مہنگی اشیا فروخت کرنے پر 138 منافع خوروں کے خلاف کارروائی کی گئی۔پھل فروش ،گوشت اور کریانہ ،دودھ، پولٹری اور دیگر اشیا کی مہنگائی پر چار لاکھ54 ہزار روپے جرمانہ عائد کیا گیا۔

کمشنر کراچی نوید شیخ کا کہنا ہے کہ  ڈپٹی کمشنرز ناجائز منافع خوروں کے خلاف کارروائی جاری رکھیں، شہریوں کو مناسب اور سرکاری نرخ پر اشیا کی دستیابی کو یقینی بنائیں۔

 29 دودھ فروش، 26 پھل فروش بیس سبزی فروش 35 پولٹری اور 15کریانہ والوں کے خلاف کارروائی کی گئی ہے،  دودرھ فروشوں پر ایک لاکھ 43 ہزار، پھل فروشوں پر35 ہزار روپے سبزی والوں پر 29 ہزار روپے جرانہ عائد کیا گیا،  پولٹری والوں پر ایک لاکھ اٹھائیس اور کریانہ والوں پر 77 ہزار روپے جرمانہ عاید کیا گیا۔