بھارت ایک روز میں سب سے زیادہ کورونا کیس رپورٹ کرنیوالا پہلا ملک بن گیا

غیرملکی خبر رساں ادارے کے مطاق  بھارت میں کورونا نے قہرڈھادیا،  کورونا وائرس  کی نئی لہر بے قابو ہوگئی،بھارت ایک روز میں سب سے زیادہ کورونا کیس رپورٹ کرنیوالا پہلا ملک بن گیا۔ بھارت میں گزشتہ چوبیس گھنٹوں میں 3لاکھ 15ہزار سے زائد نئے کیس رپورٹ ہوئے ہیں ، بھارت میں کورونا مریضوں کی مجموعی تعداد1کروڑ60لاکھ کے قریب پہنچ گئی ۔بھارت میں ایک روز میں کورونا سے 2ہزار1سو 2ریکارڈ اموات رپورٹ،مرنیوالوں کی مجموعی تعداد 1لاکھ84ہزار سے بڑھ گئی ہے۔

غیر ملکی خبر رساں ادارے کے مطابق  بھارت میں صحت کا نظام بھی ہل کر ر ہ گیا،دہلی کے کئی اسپتالوں میں آکسیجن  بالکل ختم ہوگئی ہے،کورونا کے علاج میں استعمال ہونیوالی ادویات اور آکسیجن دونوں بلیک مارکیٹ میں فروخت ہونے لگے، ادویات ایک لاکھ بھارتی روپے پراصل قیمت سےتیس گنازیادہ قیمت پر ملنے لگیں، جبکہ  46لیٹرکا  آکسیجن  سلینڈراصل قیمت سے 9گناہ زیادہ 45ہزاربھارتی روپے میں ملنے لگا ہے۔

دوسری جانب سنگاپور نے بھارت سے آنیوالوں پر پابندی لگادی ہے، حال ہی میں بھارت کا سفر کرنیوالے بھی ملک میں داخل نہیں ہوسکتے۔  ملک میں کورونا کی بدترین صورتحال کے باوجود مغربی بنگال میں ملکی وزیرداخلہ  کی انتخابی مہم جاری ہے۔