سویڈن میں قرآن کی بےحرمتی کرنے پر اسلامی تعاون تنظیم کے ایگزیکٹو کمیٹی کا ہنگامی اجلاس طلب

سویڈن میں قرآن کی بےحرمتی کرنے پر اسلامی تعاون تنظیم کے ایگزیکٹو کمیٹی کا ہنگامی اجلاس طلب کرلیا گیا۔

او آئی سی اعلامیے کے مطابق گھناؤنے فعل کے خلاف کیے جانے والے اقدامات پر تبادلہ خیال کیا جائے گا، ضروری اقدامات سے متعلق اجتماعی موقف اپنایا جائے گا۔

خیال رہے کہ مسلم اور عرب دنیا سمیت دیگر ممالک نے بھی اس واقعے کی شدید مذمت کی ہے جبکہ چند ممالک نے ردعمل میں اپنے سفیروں کو بھی واپس بلا لیا ہے۔ مختلف ممالک میں دفتر خارجہ کی جانب سے سویڈن کے سفیر کو طلب کر کہ احتجاج ریکارڈ کروایا گیا ہے۔

خیال رہے کہ عید کے روز سویڈن کے دارالحکومت اسٹاک ہوم کی مسجد کے باہر عید الاضحیٰ کے روز قرآن پاک کی بے حرمتی کا واقعہ پیش آیا ہے۔ مقامی پولیس نے شہری کو عید کے روز شہر کی مرکزی جامع مسجد کے باہر مظاہرے کی اجازت دی جس کے بعد ملعون نے مسلمانوں کی مقدس کتاب کی بے حرمتی کی