محمد طلحہ محمود نے حج کے شاندار انتظامات پر پاکستانی مشن کو سراہا

مذہبی امور اور بین المذاہب ہم آہنگی کے وزیر محمد طلحہ محمود نے محدود مدت میں حج کے لئے شاندار انتظامات کرنے پر پاکستان حج مشن کی غیرمعمولی کوششوں کو سراہا ہے۔

مکہ مکرمہ میں ایک اجلاس کی صدارت کرتے ہوئے انہوں نے حج مشن کو حجاج کرام کا وطن واپسی کے لئے سہولتوں میں مزید اضافے کی ہدایت کی۔

وفاقی وزیر نے مکہ مکرمہ اور مدینہ منورہ میں حجاج کے لئے جامع خدمات کی فراہمی پر زور دیا۔انہوں نے حج مشن کو آئندہ سال حج کے لئے بلاتاخیر تیاریاں شروع کرنے کی بھی ہدایت کی تاکہ عازمین حج کے لئے رہائش، طعام اور آمد و رفت کی سہولتوں میں مزید بہتری لائی جا سکے۔