وزیراعظم کی عید کے دوران صفائی کے بہترین انتظامات کی تعریف

وزیراعظم شہبازشریف نے عیدالاضحی پر صفائی کے بہترین انتظامات کرنے پر ملک بھر میں صفائی ستھرائی کی کمپنیوں اور ضلعی انتظامی اداروں کی تعریف کی ہے۔

انہوں نے ایک ٹویٹ میں کہا کہ پاکستان کے تمام بڑے شہروں بالخصوص لاہور میں ان بہترین انتظامات کی بدولت لوگوں نے بغیر کسی مشکل کے سنت ابراہیمی ادا کی۔وزیراعظم نے کوڑا کرکٹ اٹھانے والی کمپنیوں کے عہدیداروں کی تعریف کی جنہوں نے اپنے پیاروں سے دور رہ کر شہروں میں صفائی کو یقینی بنایا۔

انہوں نے انتظامیہ سے تعاون کرنے اور اس کام کو ممکن بنانے پر قوم کا بھی شکریہ ادا کیا۔