اسرائیل کا جنین میں فلسطینیوں کے مہاجر کیمپ پر فضائی حملہ،4فلسطینی شہید

فلسطین کے مقبوضہ مغربی کنارے کے شہر جنین میں فلسطینیوں کے مہاجر کیمپ پر پیر اور اتوار کی درمیانی شب اسرائیل کے فضائی حملوں میں چار فلسطینی شہید جبکہ دسیوں افراد زخمی ہو گئے۔

غیر ملکی خبر رساں ایجنسی کے مطابق سوموار کی صبح اسرائیل نے مزید تازہ دم کمک جنین شہر فلسطینی مہاجرین کے کیمپوں کی جانب روانہ کر دی ہے۔ عینی شاہدین کے مطابق جنین کے قریب سھل المقیبلہ کے علاقے میں کئی ٹینک کھڑے دیکھے گیے ہیں۔

فلسطینی وزارت صحت نے اس سے قبل بتایا تھا کہ اسرائیلی بمباری کے نتیجے میں چار فلسطینی شہید ہوئے جبکہ غرب اردن کے علاقے جنین میں رات گئے کی جانے والی اسرائیلی کارروائی میں کئی فلسطینی زخمی بھی ہوئے۔

اسرائیلی فوج نے شمالی غرب اردن میں کی جانے والی فوجی کارروائی کے جلو میں جنین مہاجر کیمپ پر اسرائیلی بمباری میں متعدد افراد شہید اور دیگر کئی شدید زخمی ہوئے۔

اسرائیلی بیان میں بتایا گیا ہے کہ نشانہ بنائے جانے والے گھر کو چند ایسے مطلوب افراد اپنے محفوظ ٹھکانے کے طور پر استعمال کر رہے تھے جنہوں نے گذشتہ مہینوں کے دوران علاقے میں اسرائیلی اہداف کو نشانہ بنایا تھا۔یاد رہے کہ شمال غرب اردن میں اسرائیلی فوج کے خلاف فلسطینیوں کی بڑھتی ہوئی کارروائی کے بعد اسرائیل نے علاقے میں بڑی کارروائی کا عندیہ ظاہر کیا تھا۔

حالیہ اسرائیلی کارروائیوں نے فلسطینیوں کے ذہنوں میں اپریل 2002 کے ہلاکت خیز محاصرے کی یاد تازہ کر دی میں اقوام متحدہ کے فراہم کردہ اعداد وشمار کے مطابق 58 فلسطینی شہید کر دیے گئے تھے