ترک صدر نے فرانس میں ادارہ جاتی نسل پرستی واسلامو فوبیاکو فسادات کا سبب قراردے دیا

انقرہ: ترک صدر رجب طیب اردوان نے فرانس میں ہونے والے فسادات کا ذمہ دار ادارہ جاتی نسل پرستی اور اسلاموفوبیاکو قرار دے دیا ہے۔

سعودی خبررساں ادارے کے مطابق انہوں نے کہا کہ فرانس میں ہونے والے واقعات کی جڑ اس ذہنیت کی بنیاد پر تعمیرکردہ سماجی ڈھانچہ ہے، جن تارکین وطن کو الگ بستیوں میں رہنے پرمجبورکیا جاتا ہے اور جن پر منظم طریقے سے ظلم کیا جاتا ہے، ان میں سے زیادہ تر مسلمان ہیں۔

انہوں نے فرانسیسی حکام کو خبردار کیا کہ وہ اس کا نوٹس لیں کیونکہ سڑکیں انصاف کے حصول کا ذریعہ نہیں بن سکتیں۔