واٹس ایپ نے نیا فیچر متعارف کرا دیا

واٹس ایپ کواب کیو آڑ کوڈ کے ساتھ ساتھ ایک نئے فیچر کے ذریعے بھی اپنے کمپیوٹر کے ساتھ لنک کیا جاسکتا ہے۔ کیونکہ میسیجنگ ایپ نے ویب ورژن کیلئے ایک نیا فیچر متعارف کرا دیا ہے۔

میٹا کے مطابق اینڈ رائیڈ ڈیوائسز کے لیے واٹس ایپ کے نئے بیٹا ورژن میں ایک نیا فیچر ”لِنک ود فون نمبر“ متعارف کرایا گیا ہے۔ جس کے ذریعے صارفین واٹس ایپ ویب پر کیو آر کوڈ اسکین کیے بغیر اپنے اکاؤنٹ کو کمپیوٹر پر استعمال کر سکیں گے۔

اس فیچر کو استعمال کرنے کے لیے پہلے براؤزر پر واٹس ایپ ویب کو اوپن کریں۔ وہاں دائیں جانب کیو آر کوڈ موجود ہوگا جبکہ بائیں جانب نیچے ”لنک ود فون نمبر“ کا آپشن ہوگا۔

اس آپشن پر کلک کرنے پر آپ سے فون نمبر پوچھا جائے گا۔ فون نمبر کے اندراج پر 8 ہندسوں کا کوڈ لکھا آئے گا جسے واٹس ایپ کی موبائل ایپ پر ”لنکڈ ڈیوائس“ کے آپشن میں جاکر درج کرنا ہوگا