حکومت کےخلاف لوگ مخالفت سے بڑھ کرنفرت کی طرف چل پڑےہیں،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید نے کہا ہے کہ شہبازشریف کا کل کا غیردانشمندانہ ٹویٹ اُن کی کم عقلی ذہنی پستی اور انتہائی غیرذمہ داری کا منہ بولتا ثبوت ہے۔

اپنے ٹویٹ میں شیخ رشید نے کہا کہ چارہفتوں کی حکومت کےخلاف لوگ مخالفت سے بڑھ کرنفرت کی طرف چل پڑےہیں.حکمرانوں کو اندازہ نہیں کہ عوام پر کیا بیت رہی ہے اور پھر عوام اُن کے ساتھ کیا کرنے والے ہیں۔ ایک جاگا ہوا پاکستان کا نوجوان جس کی جیب میں موبائل فون ہے، سیاست کا رخ موڑ کے رکھ دے گا اور سازشیوں کی خواہشیں زندہ دفن ہوجائیں گی۔ غریب کا بیٹا جائے بھاڑ میں، ان کو صرف اپنی نالائق اولاد پیاری ہے۔

چارہفتوں کی حکومت کےخلاف لوگ مخالفت سے بڑھ کرنفرت کی طرف چل پڑےہیں شہبازشریف کا کل کا غیردانشمندانہ ٹویٹ اُن کی کم عقلی ذہنی پستی اور انتہائی غیرذمہ داری کا منہ بولتا ثبوت ہےمیں نے پہلے ہی کہا تھا کہ 4 ہفتوں میں 13 پارٹیوں کا سیاسی گٹراُبل پڑے گا آج فضل الرحمان بھی کہتا ہے کہ…

— Sheikh Rashid Ahmed (@ShkhRasheed) July 10, 2023

سابق وفاقی وزیر کا کہنا تھا کہ میں نے پہلے ہی کہا تھا کہ 4 ہفتوں میں 13 پارٹیوں کا سیاسی گٹراُبل پڑے گا، فضل الرحمان بھی کہتا ہے کہ دبئی کے فیصلوں پراُسےاعتماد میں نہیں لیا گیا. فضل الرحمن کی سیاست ہمیشہ سے جمعہ جنج کے ساتھ کی حیثیت میں رہی ہے، اُسےضرورت پڑنے پر استعمال کیا جاتا ہے اور پھر ردی کی ٹوکری میں پھینک دیا جاتا ہے۔قوم انتظار کرے الیکشن سےپہلےنون لیگ اور PPPبھی ایگ دوسرے کے خلاف دست وگریباں ہوں گے۔

انہوں نے مزید کہا کہ نہ ایکسپورٹ ہے، نہ ترسیلات ہیں، نہ کارخانے چل رہے ہیں صرف جاہل اور نااہل حکمرانوں کی ناکام سیاسی دوکان چل رہی ہے۔ کوئی پوچھنے والا نہیں کہ اتنے دنوں سےبن بلائے مہمان بلاول امریکہ میں کیا کر رہا ہے، اپنی اور اپنے ملک کی بےتوقیری کر رہا ہے۔ وہ دن چلے گئے جب امریکہ بہادر پاکستان کے فیصلے کیا کرتا تھا اور درباری جی حضوری کے لیے مرےجاتےتھے۔