اکشے کمار نے جاوید شیخ پر سونے کی گھڑی چوری کرنے کا الزام کیوں لگایا،وجہ سامنے آگئی

اگر ہم یوں کہیں کہ اکشے کمار بالی وڈ کے سب سے شرارتی اداکار  ہیں تو غلط نہ ہوگا، ان کی کئی ویڈیوز سوشل میڈیا پر آئے دن وائرل رہتی ہیں جہاں وہ کبھی فلم کے سیٹ پر دیگر اداکاروں یا عملے سے مذاق کرتے نظر آتے ہیں تو کبھی کامیڈی شو 'دی کپل شرما شو' کے اداکاروں کے ساتھ اس نوعیت کا مذاق کرتے ہیں کہ سب پریشان ہوجاتے ہیں۔

تاہم کچھ ماہ قبل نجی ٹی وی  کے ایک پروگرام میں شرکت کے دوران جاوید شیخ نےاپنے  بالی وڈ انڈسٹری میں کامکرنے  کا تجربہ شیئر کیا، اداکار اب تک کئی بالی وڈ فلموں میں کام کرچکے ہیں، انہوں نے سپر اسٹار  شاہ رخ خان اور اکشے کمار کے ساتھ بھی کام کیا ہے۔

اپنے ایک انٹرویو میں اداکار جاوید شیخ نے کہا کہ اکشے کمار اور شاہ رخ خان  انتہائی عاجز انسان ہونے کے ساتھ ساتھ شرارتی بھی ہیں اور فلم کے سیٹ پر ان کی شرارتوں کے قصے سنائے جاتے ہیں۔

سینئر اداکار نے اکشے کمار سے جڑا ایک واقعہ بیان کرتے ہوئے کہا کہ ہماری فلم کی شوٹنگ چل رہی تھی، سیٹ پر میرے پاس ایک سونے کی گھڑی تھی جس نے اکشے کمار کی توجہ حاصل کر لی، اکشے نے مزاحیہ انداز میں یوں اداکاری کی جیسے یہ گھڑی اس کی ہو اور میں نے چوری کرلی ہو۔

جاوید شیخ کے مطابق اکشے کمار کےاس  مذاق سے چند لمحوں کیلئے ٹیم ممبران حیران ہوگئے لیکن پھر پرینک سمجھ آنے پر ان کے قہقہے چھوٹ گئے تھے۔