توشہ خانہ کیس ،عمران خان  کے وکیل خواجہ حارث  قانونی ٹیم سے الگ ہو گئے

توشہ خانہ کیس میں چیئرمین تحریک انصاف عمران خان  کے وکیل خواجہ حارث  قانونی ٹیم سے الگ ہو گئے ہیں۔

سپریم کورٹ اور ہائیکورٹ میں چیئرمین پی ٹی آئی کی نمائندگی سردار لطیف کھوسہ اور دیگر کریں گے۔

ذرائع کے مطابق خواجہ حارث عمران خان کی توشہ خانہ کیس میں نمائندگی کر رہےتھے،خواجہ حارث نے قانونی ٹیم میں ڈسپلن پر تحفظات کے بعد علیحدگی کا فیصلہ کیا ہے۔ خواجہ حارث نے کیس کی تمام فائلیں چیئرمین پی ٹی آئی کی لیگل ٹیم کو بھجوا دیں ہے۔

ذرائع کا کہنا ہے کہ اسلام آباد ہائیکورٹ میں سزا معطلی کی درخواست پر سماعت کیلئے خواجہ حارث پیش نہیں ہونگے،توشہ خانہ کیس سےمتعلق سپریم کورٹ میں زیر سماعت درخواست میں بھی خواجہ حارث وکیل نہیں ہونگے،

جبکہ دوسری طرف بیرسٹر گوہر نے اس بات کی تردید کی ہے اور کہا ہے کہ خواجہ حارث ابھی بھی عمران خان کی قانون ی ٹیم کا حصہ ہیں، ان کی ایکسپرٹیز سے استفادہ حاصل کرتے رہیں گے۔