علی ظفر کا آئی سی سی ورلڈ کپ 2023 کا ترانہ بنانے کا اعلان

 پاکستانی گلوکار علی ظفر نے آئی سی سی ورلڈ کپ 2023 کا ترانہ بنانے کا اعلان کیا ہے۔

مداحوں کے کہنے پرعلی ظفر نے سوشل میڈیا پر اپنا ایک خصوصی ویڈیو پیغام جاری کیا ہے جس میں اُنہوں نے آئی سی سی ورلڈ کپ کا ترانہ بنانے کا اعلان کیا ہے۔

علی ظفر نے اپنے ویڈیو پیغام میں کہا کہ ہماری عوام کو بہت کم تفریحی کے مواقع ملتے ہیں اور جب کوئی کرکٹ ایونٹ ہوتا ہے تو ہماری عوام چاہتی ہے کہ ترانہ ایسا ہو جو دھوم مچا دے، میرے پاس ایک آئیڈیا ہے جس کے تحت میں آپ سب کے ساتھ ملکر ایک ترانہ تیار کرسکتا ہوں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Ali Zafar (@ali_zafar)

اُنہوں نے اپنے ویڈیو پیغام میں پاکستان کے نوجوان میوزک کمپورز، رائٹرز اور پروڈیوسرز سے مخاطب ہوتے ہوئے کہا کہ میں آپ کو میرے ساتھ ملکر ترانہ بنانے کی دعوت دے رہا ہوں۔ جن لوگوں کو موسیقی میں دلچسپی ہے، پھر چاہے وہ کوئی دُھن بنانا ہو، گانے کے بول لکھنا ہو۔

اُن کا مزید کہنا تھا کہ یہ پاکستان کی تاریخ میں پہلی ہوگا کہ جب  ہم جمہوری طریقے سے اپنے لیے ترانہ بنائیں گے، گلوکاری کرنا ہو یا آئیڈیاز دینا ہو، وہ میرا ساتھ دیں۔ لوگ اپنے آئیڈیاز، اپنی دُھن اور گانے کے بول لکھ کر مجھے سوشل میڈیا پر ٹیگ کرکے شیئر کریں

یاد رہے کہ کرکٹ کا سب سے بڑا ٹورنامنٹ ورلڈ کپ 2023، 5 اکتوبر سے 19 نومبر تک بھارت میں کھیلا جائے گا۔