عالمی منڈی میں خام تیل کی قیمتوں میں اضافہ جاری ہے

ماسکو: عالمی منڈی میں خام تیل کی قیمتوں میں اضافے کا سلسلہ جاری ہے جس کے باعث رواں سال کی بلند ترین سطح پر پہنچ گئی ہے۔

غیر ملکی خبر رساں ادارے کے مطابق برینٹ کروڈ آئل کی قیمت 32 سینٹس اضافے کے ساتھ 93.59 ڈالر فی بیرل پر طے پائی جب کہ یو ایس ویسٹ ٹیکساس انٹرمیڈیٹ کروڈ کی قیمت 24 سینٹ اضافے کے ساتھ 90.27 ڈالر فی بیرل ہوگئی۔

واضح رہے کہ سعودی عرب کی جانب سے جون میں تیل کی پیداوار میں کمی کے اعلان کے بعد سے دنیا کی تیل کی قیمت کے تین چوتھائی کے لیے استعمال ہونے والے برینٹ فیوچر کی قیمت میں تقریباً 26 فیصد اضافہ ہوا ہے۔

سعودی عرب اور روس، جو کہ عالمی منڈی کے دونوں بڑے کھلاڑی ہیں، نے اپنی پیداوار میں کمی کو سال کے آخر تک بڑھا دیا ہے، چینی ریفائنرز نے مضبوط برآمدی مارجن کی وجہ سے پیداوار میں اضافہ کیا ہے۔