پاکستان میں صرف سیاست دان نشانے پر ہیں ،مولانا فضل الرحمان

خوشاب : جمیعت علما اسلام (ف) کے سربراہ مولانا فضل الرحمان نے خوشاب میں ورکرز کنونشن  سے خطاب کرتے ہوئے کہا کہ اس ملک میں اگر کسی کونشانے پر رکھا گیا ہے تو وہ سیاستدانوں کو رکھا گیا ہے ۔

مولانا فضل الرحمان نے کہا کہ نوجوان اخلاقیات سے دور چلے گئے ہیں ، مافیا ڈالر کا استعمال کر رہا ہے ۔

سیاسی جماعتیں ملک اور عوام کا تحفظ نہیں کرسکیں ، تمام ترانتظامی تحفظ کے حقوق کا نام ہی عوام ہے ، انہوں نے مزید کہا کہ پارلیمنٹ کوایسے لوگوں سے بھر دیا جا تا ہے کہ جنہیں قرآن وسنت کا کوئی علم ہی نہیں ہے ، انہوں نے کہا کہ دین کی عقل سمجھ نوجوانوں میں نہیں ہے آنے والی نسلیں سوال کریں گیں کہ پاکستان کو کیوں بنایا گیا تھا ۔