وزیرخارجہ کل چین میں بین الاقوامی تعاون کے دو روزہ فورم میں شرکت کرینگے

وزیر خارجہ جلیل عباس جیلانی کل سے چین کے شہر NYINGCHI میں شروع ہونے والے بین الاقوامی تعاون کیلئے تیسرے دو روزہ TRANS ہمالیہ فورم میں پاکستان کی نمائندگی کریں گے۔

ٹرانس ہمالیہ فورم کا دوہزار اٹھارہ میں آغاز کیا گیا تھا جس کا مقصد علاقائی ممالک میں جغرافیائی رابطے، ماحولیاتی تحفظ اور حیاتیات کو محفوظ بنانے سمیت مختلف شعبوں میں عملی تعاون کو فروغ دینا تھا۔ اس سال فورم کا موضوع ''حیاتیاتی تہذیب اور ماحولیاتی تحفظ'' ہے۔

وزیر خارجہ TRANS ہمالیہ فورم کی افتتاحی تقریب سے خطاب کریں گے۔فورم کے موقع پر وزیر خارجہ منگولیا کے نائب وزیراعظم اور چین اور افغانستان کے وزرائے خارجہ سمیت متعدد اہم علاقائی شخصیات سے ملاقاتیں کریںگے۔