سائفر کیس،چیئرمین پی ٹی آئیکا ٹرائل اڈیالہ جیل میں ہی ہو گا

آفیشل سیکرٹ ایکٹ سائفر کیس، چیئرمین پی ٹی آئی عمران خان کا ٹرائل اڈیالہ جیل میں ہی ہو گا، وزارت قانون نے نوٹیفکیشن جاری کر دیا۔ سائفر کیس کی سماعت خصوصی عدالت کے جج ابوالحسنات ذوالقرنین کریں گے۔

وزارت قانون و انصاف نے سائفر کیس میں عمران خان کے خلاف ٹرائل اڈیالہ جیل میں کرنے کا نوٹیفکیشن جاری کیا ہے جس میں کہا گیا ہے کہ جب تک سکیورٹی اداروں کی جانب سے چیئرمین پی ٹی آئی کی سکیورٹی کلیئرنس نہیں دی جاتی تب تک کیس کا ٹرائل جیل میں ہی کیا جائے گا اور وزارت قانون کو اس حوالے سے کوئی اعتراض نہیں ہے۔

واضع رہے کہ خصوصی عدالت کےجج ابوالحسنات ذوالقرنین کی جانب سے وزارت قانون کو ایک خط لکھا گیا تھا اور استدعا بھی کی گئی تھی کہ سکیورٹی خدشات کے بارے میں بتایا جائے اور اگر سکیورٹی خدشات نہیں ہیں تو عمران خان کا ٹرائل جوڈیشل کمپلکس میں ہی کیا جائے۔