نوازشریف سے ہونے والی زیادتیوں کا ازالہ کیا جائے ،سابق وزیراعظم

لندن : سابق وزیراعظم شاہد خاقان عباسی کہتے ہیں کہ انصاف کا تقاضہ ہے کہ نواز شریف سے ہونے والی زیادتیوں کا ازالہ کیا جائے ۔

سابق وزیراعظم شاہد خاقان عباسی نے حسن نواز شریف کے دفتر میں نواز شریف سے ملاقات کی۔ملاقات کے بعد گفتگو کرتے ہوئے شاہد خاقان عباسی نے کہاکہ ملاقات میں نواز شریف سے ملکی امور پر گفتگو ہوئی،  ہماری حکومت کی کارکردگی متاثرکن نہیں تھی، ملکی معاملات کو دیکھنا ہوگا۔

کسی کے استقبال کا قائل نہیں ہوں، پہلے نواز شریف کے عدالتی معاملات درست کرنے چاہئیں،  انصاف کا تقاضا ہے کہ نواز شریف سے ہونیوالی زیادتیوں کا ازالہ کیا جائے۔

انہوں نے کہا کہ نواز شریف کی واپسی کے لیے کی گئی مشاورت میں شامل نہیں تھا ۔