اڈیا لہ جیل میں چیئرمین پی ٹی آئی کی شاہ محمود قریشی سے ملاقات

راولپنڈی : سائفر کیس کی سماعت کے دوران شاہ محمود قریشی اور چئیر مین پی ٹی آئی کے درمیان ملاقات ہوئی ہے ۔

میڈیا ذرائع کے مطابق چیئرمین پی ٹی آئی اور شاہ محمود قریشی کی گرفتاری کے بعد سے یہ پہلی ملاقات ہوئی ہے۔

چیئرمین پی ٹی آئی اور شاہ محمود قریشی کچھ دیر تک آپس میں سرگوشیاں کرتے رہے ، ذرائع کے مطابق چیئرمین پی ٹی آئی نے جیل کی سہولیات کے متعلق اپنے وکلاء کو کسی قسم کی کوئی شکایت نہیں کی ۔

سماعت کے دوران چیئرمین پی ٹی آئی اور شاہ محمود قریشی کی پہلی ملاقات ہوئی، ذرائع#GNN #NewsUpdates #BreakingNews #GNN_Updates pic.twitter.com/MvP70zMDVr

— GNN (@gnnhdofficial) October 4, 2023

کمرہ عدالت میں چیئرمین پی ٹی آئی اور شاہ محمود قریشی جیل کی سلاخوں کے پیچھے کرسی پربیٹھے رہے ۔

اڈیالہ جیل میں سائفر کیس کی سماعت ایک گھنٹہ جاری رہی سماعت کے بعد چیئرمین پی ٹی آئی کی اپنی لیگل ٹیم سے ملاقات ہوئی ، وکلا کے مطابق چیئرمین پی ٹی آئی مطمئن صورت حال میں نظر آ رہے تھے تاہم ان کا وزن پہلے کی نسبت کم لگ رہا تھا ۔