عوام کے ساتھ شانہ بشانہ کھڑے ہوں گے ،ترجمان آئی پی پی

تفصیلات کے مطابق ترجمان استحکام پاکستان پارٹی (آئی پی پی) فردوس عاشق اعوان نے اپنے ایک بیان میں کہا کہ استحکام پاکستان پارٹی پاکستان کو معاشی اور سیاسی محاذ پر استحکام دینے کے لیے وجود میں آئی ہے، اس جماعت کی قیادت اپنے حلقے میں منتخب نمائندوں کی شکل میں عوامی روابط میں مصروف عمل تھی، پارٹی کا فیصلہ ہے جو پارٹی رہنما عوامی مہم شروع کیے ہوئے ہیں انکو ورکرز کنونشن اور رابط مہم میں جوڑا جائے۔

انہوں نے مزید کہا کہ ہماری سیاست عوام کو مستحکم کرنے کے لیے ہوگی، ہم سیاسی جماعتوں کو ایک رخ دینے والے ہیں، ہماری واحد جماعت ہے جو آنے والی نسلوں کے مستقبل کا فیصلہ کرنے جارہی ہے، 13 اکتوبر کو جھنگ میں عوامی قوت کا مظاہرہ کرنے جارہے ہیں، جھنگ میں استحکام پاکستان پارٹی سیکرٹریٹ کا افتتاح کریں گے، سیاست کا میدان سجنے جارہا ہے جہاں دیگر سیاسی جماعتیں طاقت شو کررہی ہیں وہاں استحکام پاکستان پارٹی بھی سیاسی پنجہ آزمائی کرے گی۔

انہوں نے کہا کہ ہم نے دو عوامی اجتماعات کیے ایک چونیاں اور ایک پاکپتن میں کیا ہے، دونوں اجتماع عوام کی داد رسی کے لیے کیے گئے تھے، ہمیں اپنے سیاسی مقاصد کو میڈیا اور عوام کے سامنے لانا ہے، استحکام پاکستان پارٹی نے عوام جو مہنگائی اور بجلی بلوں اور پیٹرول بم کے ستائے ہیں انکو تنہا نہیں چھوڑیں گے، عوام کے ساتھ کندھے سے کندھا ملا کر کھڑے ہوں گے۔

ا