اسرائیلی فوج کی فائرنگ سے دو فلسطینی شہید

اسرائیلی فوج نے شمال مغربی کنارے کے شہر طولکرم کے قریب شوفہ قصبے کے قریب دو فلسطینیوں کو گولیاں مار کر قتل کردیا جب کہ اسرائیلی فوج کے مطابق مقتولین نے ان کی گاڑی پر فائرنگ کی جس کے نتیجے میں یہ سب ہوا۔ فلسطینی وزارت صحت نے بھی اس واقعہ کی تصدیق کی ہے۔

فوج نے ایک خودکار ہتھیار کی تصویر شائع کی ہے جس کے بارے میں کہا گیا ہے کہ اسے فلسطینیوں کے پاس سے قبضے میں لیا گیا ہے۔

اسرائیلی میڈیا نے اس سے قبل اطلاع دی تھی کہ طولکرم کے قریب ایک آباد کار کو نشانہ بنانے والے حملے میں دو فلسطینی مارے گئے تھے۔

غیر ملکی خبر رساں ایجنسی کے مطابق گولانی پٹرولنگ فوج نے فلسطینیوں کی کار کا پیچھا کیا اور فائرنگ کردی۔ گرفتاری کی کوشش کے دوران فریقین کے درمیان فائرنگ کا تبادلہ ہوا جس کے نتیجے میں دو فلسطینی مارے گئے۔

عینی شاہدین نے عرب عالمی خبر رساں ایجنسی کو مزید بتایا کہ گولی چلنے کی آواز آئی جس میں فوجیوں کو فلسطینیوں پر گولیاں چلاتے دیکھا گیا۔