ملک میں فرنس آئل کی فروخت میں سالانہ بنیادوں پر65 فیصد کمی ریکارڈ

ملک میں فرنس آئل کی فروخت میں جاری مالی سال کی پہلی سہ ماہی میں سالانہ بنیادوں پر65 فیصد کمی ریکارڈ کی گئی ہے۔

اوسی اے سی کی جانب سے جاری اعدادوشمارکے مطابق مالی سال کی پہلی سہ ماہی میں 3 لاکھ 47 ہزار  ٹن فرنس آئل کی فروخت ریکارڈ کی گئی جوگزشتہ مالی سال کی اسی مدت کے مقابلہ میں 65 فیصد کم ہے

گزشتہ مالی سال کی پہلی سہ ماہی میں ملک میں5 لاکھ 75 ہزار 550  ٹن فرنس آئل کی فروخت ریکارڈ کی گئی تھی، ستمبرکے مہینہ میں ملک میں 84 ہزار ٹن فرنس آئل کی فروخت ریکارڈکی گئی جوگزشتہ سال ستمبرکے مقابلہ میں 21.49 فیصد کم ہے

گزشتہ سال ستمبرمیں ملک میں ایک لاکھ 7 ہزار ٹن فرنس آئل کی فروخت ریکارڈ کی گئی تھی۔اگست کے مقابلہ میں ستمبرمیں فرنس آئل کی فروخت میں ماہانہ بنیادوں پر28 فیصد کی کمی ہوئی ہے۔

واضح رہے کہ مالی سال کی پہلی سہ ماہی میں ملک میں پیٹرولیم مصنوعات کی فروخت میں سالانہ بنیادوں پر15 فیصدکی کمی ریکارڈکی گئی ہے۔