مہنگائی کے ستائے عوام کےلئے ایک اور بری خبر

مہنگائی کے ستائے عوام کیلئے ایک اوربری خبر،بجلی کی فی یونٹ قیمت میں مزید اضافہ کر دیاگیا۔

نیپرا کی جانب سے جاری نوٹیفیکشن کے مطابق بجلی کی فی یونٹ قیمت میں 1 روپے 71 پیسے کا اضافہ کیا گیاہے۔ بجلی کی قیمت میں اضافہ ماہانہ فیول ایڈجسٹمنٹ کی مد میں کیا گیاہے۔

نوٹیفکیشن کے مطابق بجلی کی قیمتوں کے اضافے کا اطلاق رواں ماہ کے بلوں پر ہوگا جبکہ اضافے کا اطلاق لائف لائن سمیت کے الیکٹرک کے صارفین پر نہیں ہوگا۔

بجلی کی قیمت میں اضافے سے صارفین پر 22ارب سے زائد کا بوجھ پڑے گا۔