انوارالحق کاکڑ سے ایڈمرل محمد امجد خان نیازی کی الوداعی ملاقات

 نگران وزیراعظم انوارالحق کاکڑ سے اپنے عہدے سے دستبردار  ہونے والے چیف آف نیول اسٹاف ایڈمرل محمد امجد خان نیازی نے الوداعی ملاقات کی۔ جمعرات کو وزیراعظم آفس کے میڈیا ونگ سے جاری بیان کے مطابق وزیراعظم نے پاک بحریہ کے لیے ایڈمرل محمد امجد خان نیازی کی خدمات کو سراہا۔

وزیراعظم نے کہا کہ آپ نے بہترین طریقے سے پاک بحریہ کی قیادت کی اور ملکی دفاع کو نا قابل تسخیر بنانے میں کلیدی کردار ادا کیا۔

انہوں نے کہا کہ امید کرتے ہیں کہ ملک پاکستان کے لیےآپ جیسے جوان ایسے ہی کام کرتے رہیں گے ۔