بھارتی بلے باز شبمن گل ڈینگی کا شکار ہو گئے

احمد آباد: انٹرنیشنل کرکٹ کونسل (آئی سی سی) کرکٹ ورلڈ کپ 2023 کا باضابطہ آغاز ہوگیا ہے اور ہندوستان اپنا پہلا میچ 08 اکتوبر کو آسٹریلیا کے خلاف کھیلے گا۔

تاہم اطلاعات ہیں کہ ورلڈ کپ میں اپنے پہلے میچ سے قبل ہی بھارتی ٹیم کے ان فارم بلے باز شبمن گل ڈینگی بخار میں مبتلا ہو گئے ہیں۔

بھارتی میڈیا کے مطابق عالمی نمبر دو بلے باز شبمن گل کا ڈینگی ٹیسٹ مثبت آیا ہے جس کے باعث آسٹریلیا کے خلاف ورلڈ کپ میچ میں ان کی شرکت مشکوک ہوگئی ہے۔

بھارت اور آسٹریلیا کے درمیان میچ اتوار کو چنئی میں شیڈول ہے۔

گزشتہ روز کھیلے گئے ورلڈ کپ کے افتتاحی میچ میں نیوزی لینڈ نے دفاعی چیمپئن انگلینڈ کو نو وکٹوں سے شکست دے دی۔