نوازشریف نےقوم کی خاطر مشکلات دیکھیں ،مریم نواز کا جلسہ سے خطاب

لاہور : جلسے سے خطاب کرتے ہوئے مریم نواز نے کہا کہ پاکستانی قوم کی اداسی اس وقت امید میں بدلتی جا رہی ہے ۔

قوم نے نواز شریف سے امیدیں لگا لیں ہیں ، نواز شریف کے دور میں کسی کو کوئی پریشانی کا سامنا نہیں تھا ۔

انہوں نے کہا کہ لوڈ شیڈنگ کا خاتمہ بھی نواز شریف نے ہی کیا ، کہا کہ شیر کو ہرانے والے کئی آئے اور کئی گئے لیکن شیرکو نہیں ہراسکے ۔

مریم نواز نے کہا کہ نواز شریف نے اقتدار کے دن کم دیکھے لیکن قوم کی خاطر مشکلات زیادہ دیکھیں ۔

کہا کہ اگر نواز شریف کو اقتدار سے نہ نکالا جاتا تو کیا ملک کا یہی حال ہوتا ؟ کہا کہ دہشت گردی ، لوڈ شیڈنگ اور غربت کا خاتمہ صرف اور صرف نواز شریف نے ہی کیا ۔

کہا کہ جعلی وزیر اعظم زیادہ گا لی دینے والے کو سب سے بڑی وزارت دیتا تھا ،2018 میں عوامی مینڈیٹ پر ڈاکہ ڈال کر سیلیکٹڈ کو حکومت دی گئی ۔

کہا کہ 4 سال ملک پر جوکروں نے حکومت کی اور ملک کا جو حال کیا سب کے سامنے ہے ۔

مریم نواز نے کہا کہ ہیلتھ کارڈ کا ٹھیکیدار کوئی اور بنا پھرتا ہے لیکن یہ منصوبہ بھی میاں نواز شریف کا تھا ۔