سعودی وزیر خارجہ فیصل بن فرحان کے اسرائیل اور حماس کشیدگی رکوانے کیلیے رابطے

سعودی عرب نے مشرقی وسطی میں کشید گی کے خاتمے کی کوششیں شروع کردیں ۔

سعودی وزیر خارجہ فیصل بن فرحان  نے  امریکا سمیت دوسرے ممالک کے وزرائے خارجہ سے رابطے کیے ہیں سعودی وزیر خارجہ نے فلسطین میں مسلمانوں پر مظالم بند کرانے کا مطالبہ کیا ۔

اس  حوالے سے سعودی وزارت خارجہ نے اپنے بیان میں کہا ہےکہ  فلسطین کی غیر معمولی صورت حال کا جائزہ  لے رہے ہیں، فلسطین اسرائیل کشیدگی میں متعدد محاذوں پر تشدد کے واقعات  ہوئے ہیں۔

دونوں  فریقین سے تشدد فوری  روکنےکا مطالبہ کرتے ہیں۔سعودی وزارت خارجہ کا کہنا ہےکہ فریقین شہریوں کے تحفظ کا خیال رکھیں اور  تحمل سےکام لیں، سعودی عرب نے پہلے ہی فلسطینیوں کے خلاف اشتعال انگیز کارروائیوں کے تباہ کن نتائج سے خبردار کردیا تھا۔

مشرق وسطیٰ میں گشیدگی کے خاتمے کیلئے سعودی عرب سرگرم#GNN #BreakingNews #NewsUpdates #GNN_Updates pic.twitter.com/3FSBwKrclL

— GNN (@gnnhdofficial) October 8, 2023

سعودی وزارت خارجہ نے مطالبہ کیا ہےکہ عالمی برادری اپنی ذمہ داریاں نبھانے اور امن کے لیے دو ریاستی حل پرکام کرے، دو ریاستی حل ہی خطے میں سلامتی، امن اور شہریوں کی حفاظت کا ضامن ہے۔

انہوں نے کہا کہ حالات کا تقاضہ ہے کہ یورپی یونین فوری طور پر کشیدگی کم کروانے میں اپنا کردار ادا کرے ۔

یاد رہے کہ چین ترکیہ اور روس نے  بھی فلسطین اور اسرائیل کے درمیان کشیدگی پر اظہار تشویش کیا ہے ۔