اسموگ کے تدارک کیلئے لاہور میں 2 ماہ کیلئےبدھ کے روز مارکیٹیں بند رکھنے کا فیصلہ

اسموگ کے تدارک کیلئے لاہور میں 2 ماہ کیلئےبدھ کے روز مارکیٹیں بند رکھنے کا فیصلہ کیا گیا ہے، انسداد اسموگ کےلئے لاہور انتظامیہ کی اپیل پر تاجر تنظیموں نے بھی بدھ کو مارکیٹیں بند رکھنے کی حمایت کر دی۔ حکومت پنجاب کی ہدایت کی روشنی میں بدھ کو ورک فرام ہوم ہو گا۔

کمشنر لاہور محمد علی رندھاوا کا کہنا ہے کہ مارکیٹوں سے تجاوزات کے خاتمے اور ٹریفک کی روانی آپریشن کیا جائے گا۔

کمشنر لاہور اور سی سی پی او لاہور کی تاجروں سے ساتھ ایم بھیٹک ہوئی جس میں فیصلہ کیا گیا کہ اسموگ کے تدارک کےلئے تاجروں نے بدھ کو مارکیٹیں مکمل بند رکھنے کی حمایت کی ہے تاہم تاجروں کو اتوار کے روز مارکیٹیں کھولنے کی اجازت ہو گی۔

لاہور کے ٹریڈرز نے بھی اسموگ کے تدارک کےلئے کمشنر لاہور اور سی سی پی او لاہور کو اپنی تجاویز اور مسائل سے آگاہ کیا ہے۔ تاجروں نے شجر کاری، پارکنگ کی دستیابی، تجاوزات کا خاتمہ اور مارکیٹ کے اوقات کار پر بھی اپنی تجاویز دی ہیں۔

سی سی پی او لاہور بلال صدیق کمیانہ کا کہنا تھا مارکیٹ سے تجاوزات کے خاتمے اور ٹریفک کی روانی کےلئے آپریشن کیا جائے گا۔ اسموگ انسانی صحت کےلئے انتخائی مضر ہے اور ہمیں مل کر اس کےلئے کام کرنا ہو گا۔ کسی کے بھی کاروبار کو نقصان نہیں پہنچے گا۔