بھارتی ایئر لائن کی کراچی ایئر پورٹ پر میڈیکل لینڈنگ

بھارتی ایئرلائن انڈیگو ائیر کی جدہ سے بھارت جانے والی پروازمیں ایک خاتون مسافر کی طبعیت خراب ہونے کے باعث طیارے کو جناح انٹرنیشنل ایئرپورٹ کراچی پر میڈیکل لینڈنگ کی اجازت دی گئی۔

پاکستان سول ایوی ایشن اتھارٹی کے ترجمان کی طرف سے جاری بیان کے مطابق طیارےنے صبح 4 بجکر 15 منٹ پر کراچی ایئرپورٹ پر لینڈ کیا۔

جدہ سے بھارت جانے والی پرواز میں سوار بھارتی خاتون مسافر جوہرہ بی کا طبی معائنہ کیا گیا تاہم وہ مردہ پائی گئی۔

بھارتی طیارہ خاتون کی میت کو لے کر 6 بجکر 15 منٹ پر بھارت میں اپنی منزل کی طرف روانہ ہو گیا۔