قومی اسمبلی کے 33 ویں اجلاس کیلئے انتظامات مکمل، مہمانوں کے داخلہ پر پابندی

تفصیلات کے مطابق  قومی اسمبلی کے 33 ویں اجلاس کے لیے انتظامات مکمل کرلیے گئے ہیں ، قومی اسمبلی کا 33 ویں اجلاس کل سہ پہر 4 بجے پارلیمنٹ ہاؤس میں منعقد ہو گا۔اجلاس کے دوران سیکیورٹی اور کوویڈ سے متعلق حفاظتی انتظامات مکمل کیے گے ہیں اور اجلاس میں مہمانوں کے داخلہ پر پابندی ہو  گی۔

جی این این کے مطابق   ممبران قومی اسمبلی سے مہمانوں کو ساتھ نہ لانے کی درخواست کی گئی ہے۔ممبران کی اجلاس میں شرکت کے لیے پارلیمنٹ لاجز سے شٹل سروس چلائی جائے گی۔ممبران اسمبلی اور میڈیا کے نمائندوں کو کوویڈ سے متعلق ایس او پیز پر عمل درآمد کی درخواست کی گئی ہے،میڈیا سے تعلق رکھنے والے پارلیمانی رپورٹرز پہلے سے جاری کردہ سیکیورٹی پاسسز کے ذریعے اجلاس میں شرکت کر سکیں گے۔