یواے ای نے اسرائیل جانے والی پروازیں منسوخ کردیں

غیر ملکی خبر رساں ادارے کے مطابق  یو اے ای کی فضائی کمپنیوں اتحاد  اور فلائی دبئی نے اسرائیل جانیوالی تمام پروازوں کو منسوخ کردیا ہے۔ دونوں کمپنیوں کی آج اسرائیل کیلئے چار پروازیں شیڈول تھیں۔ پروازوں کی منسوخی کا  فیصلہ اسرائیل کی غزہ میں بمباری اور پُرتشدد کارروائیوں میں اضافے کے بعد لیا گیا ہے۔

اس سے قبل امریکی اور یورپی فضائی کمپنیوں نے بھی اسرائیل   کیلئے اپنی پروازوں کو منسوخ کردیا تھا۔

خیال  رہے کہ غزہ پر اسرائیلی بمباری کا سلسلہ ساتویں روز بھی جاری ہے ، اسرائیلی فورسز کے حملوں میں شہید ہونیوالے فلسطینیوں کی مجموعی تعداد181  ہوگئی ہے، شہیدہونیوالوں میں 74بچے بھی شامل ہیں۔

گزشتہ روز  اسرائیلی فورسز نے  میڈیا ہاؤسز تک کو راکٹ حملے میں تباہ کردیا گیا تھا۔ تباہ ہونیوالی عمارت میں الجزیرہ، امریکی  خبرایجنسی اے پی اور دیگر بین الاقوامی خبررساں اداروں کے دفاتر تھے۔