مہنگائی سے پسی عوام پر ایک بار پھر بجلی بم گرا دیا گیا

مہنگائی سے پسی عوام پر ایک بار پھر بجلی بم گرا دیا گیا، نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں ایک بار پھر اضافہ کردیا۔

نیپرا نے بجلی قیمتوں میں 3 روپے 7 پیسے فی یونٹ اضافہ کیا گیا ہے۔ نیپرا کی جانب سے جاری نوٹیفکیشن میں بتایا گیا ہے کہ قیمتوں میں اضافہ اکتوبر کی ماہانہ فیول ایڈجسٹمنٹ کی مد میں کیا گیا ہے جس کا اطلاق تمام صارفین پر ہوگا جبکہ لائف لائن اور کے الیکٹرک صارفین کو اسشنیٰ حاصل ہوگا۔

نوٹیفکیشن میں کہا گیا کہ اکتوبر میں 9 ارب 25 کروڑ یونٹ بجلی پیدا کی گئی جو ریفرنس سے کم ہے، اکتوبر کے فیول کاسٹ ایڈجسمنٹ میں 3 روپے سے ذائد فی یونٹ پیسے بقایا جات کی مد میں شامل کیے گئے ہیں۔

نیپرا کی جانب سے جاری ہونے والی نوٹی فکیشن کی منظوری وفاقی حکومت دے گی۔