آرمی چیف کی امریکی تھنک ٹینکس کے نمائندوں سے ملاقات

واشنگٹن ڈی سی: آرمی چیف جنرل سید عاصم منیر کی واشنگٹن آمد پر پاکستانی سفارت خانے میں امریکی تھنک ٹینک کے نمائندوں سے ڈھائی گھنٹے طویل ملاقات ہوئی۔

اطلاعات کے مطابق ملاقات میں پاک امریکا تعلقات، خطے اور ملک کی سیاسی و اقتصادی صورتحال پر تبادلہ خیال کیا گیا، قبل ازیں آرمی چیف عاصم منیر اور کمانڈر یو ایس سینٹرل کمانڈ جنرل مائیکل ایرک کے درمیان ملاقات ہوئی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف اور کمانڈر یو ایس سینٹرل کمانڈ جنرل مائیکل ایرک کے درمیان باہمی دلچسپی کے امور پر تبادلہ خیال کیا گیا۔

پاک فوج کے شعبہ تعلقات عامہ کا کہنا ہے کہ ملاقات میں خطے کی سیکیورٹی صورتحال سے متعلق باہمی تعاون پر بھی تبادلہ خیال کیا گیا۔