بجلی کی قیمت میں 4 روپے 66 پیسے فی یونٹ اضافے کا امکان ہے

اسلام آباد: سینٹرل پاور پرچیزنگ ایجنسی (سی پی پی اے) نے بجلی کی قیمت میں 4 روپے 66 پیسے فی یونٹ اضافے کے لیے نیشنل الیکٹرک پاور ریگولیٹری اتھارٹی (نیپرا) کو درخواست جمع کرادی۔

نیپرا حکام کے مطابق سی پی پی اے نے نومبر کی فیول پرائس ایڈجسٹمنٹ کے پیش نظر ڈیمانڈ میں اضافے کی درخواست کی ہے، نیپرا درخواست کی سماعت 27 دسمبر کو کرے گا، اگر اسے منظور کرلیا گیا تو صارفین پر 40 ارب روپے کا اضافی بوجھ پڑے گا۔

حکام کے مطابق سی پی پی اے کی درخواست پر ممکنہ اضافے کا اطلاق کے الیکٹرک کے صارفین پر نہیں ہوگا۔