غزہ میں جنگ بندی سے پہلے قیدیوں کے تبادلے کا معاہدہ منظور نہیں،حماس

حماس نے اسرائیل کے ساتھ جنگ کے ہوتے ہوئے قیدیوں کے تبادلے کے بارے میں معاہدے کے لیے مذاکرات کرنے کے امکان کو بھی مسترد کر دیا ہے، تاہم حماس نے واضح کیا ہے کہ وہ اس مسئلے کو طے کرنے کو تیار ہے۔

حماس کے ایک سینئیر رہنما باسم نعیم کا کہنا تھا کہ ہمارا موقف بڑا مضبوط اور واضح ہے کہ ہم دو ٹوک انداز میں ایسے کسی بھی مذاکرات کو بھی مسترد کرتے ہیں جو غزہ میں ہم فلسطینیوں کی نسل کشی پر مبنی اسرائیلی جنگ جاری رکھتے ہوئے قیدیوں کے تبادلے کے لیے ہو۔

باسم نعیم نے مزید کہا  البتہ ہم اس کے لیے تیار ہیں اور کھلے دل کےساتھ تیار ہیں کہ ہمارے لوگوں کے خلاف جاری اس جارحیت کوختم کرنے کے لیے جو بھی آغاز ہو وہ غزہ میں فلسطینیوں کو ریلیف ملنے کے لیے ہو۔