الیکشن کمیشن کی جانب سے سیاسی پارٹیوں کیلئے ضروری ہدایا ت جاری

الیکشن کمیشن کے مطابق مقررہ سائز سے بڑے پوسٹرز، پمفلٹ اور بینرزکی اجازت نہیں ہو گی۔ پوسٹرز کی لمبائی 18 انچ اور چوڑائی 23  انچ سے زیادہ نہ ہو۔

پورٹریٹ تصویر 2 فٹ لمبی اور 3 فٹ چوڑی ہو سکتی ہے ہر اشتہاری مواد پر پبلشر کا نام اور پتہ لکھنا لازم ہے۔ قرآنی آیات سمیت مذہبی موادکی طباعت غیرقانونی ہے۔ ہورڈنگز، بل بورڈز، وال چاکنگ اور پینافلیکس پر مکمل پابندی ہو گی۔

ہینڈ بل، پمفلٹ اور کتابچے 9 انچ لمبے اور 6 انچ چوڑے ہو سکتےہیں جب کہ بینر3 فٹ لمبا ، 9 انچ سے زیادہ بڑا نہیں ہونا چاہیے۔

انتخابی مہم میں سرکاری اہلکار کی تصویر لگانا غیرقانونی ہوگا۔ خلاف ورزی پرامیدواروں کے ساتھ پبلشرکیخلاف بھی کارروائی ہوگی۔