متحدہ عرب امارات میں سونے کے نرخوں میں اضافہ

ابوظہبی: متحدہ عرب امارات میں رواں ہفتے کے دوران سونے کی قیمتوں میں 3 سے 4 درہم فی گرام اضافہ ریکارڈ کیا گیا۔

اردو نیوز کے مطابق دبئی اورشارجہ کی گولڈ مارکیٹوں میں سونے کی قیمتوں میں اضافے کا رجحان رہا، بعض ریاستوں میں فی گرام سونے کے نرخوں میں 6 درہم اضافہ ریکارڈ کیا گیا، سونے کے سکے اور سبیکہ کی قیمتوں میں بھی اضافہ دیکھنے میں آیا۔

امارات میں 24 قیراط ایک گرام سونے کے نرخوں میں 4 درہم اضافے کے بعد قیمت 248.75 درہم رہی۔ 22 قیراط والے ایک گرام سونے کے قیمت 230.25 درہم ریکارڈ کی گئی ،اضافہ 3.75 درہم رہا۔