اسرائیل کا غزہ میں فضائی حملے، ہلال احمر کے ہیڈکوارٹر پر گولہ باری

اسرائیلی لڑاکا طیاروں نے گزشتہ 24 گھنٹوں کے دوران جنوبی غزہ میں 100 سےزیادہ اہداف پر حملے کئے ہیں۔

غیر ملکی خبر رساں ایجنسی کے مطابق اسرائیلی فوج نے اپنی ویب سائٹ پر جاری بیان میں مزید کہا ہے کہ ان میں اہداف میں زیر زمین سرنگوں کے دہانے اور فوجی تنصیبات شامل ہیں۔

دریں اثنا انجمن ہلال احمر فلسطین نے کہا ہے کہ اسرائیل نے غزہ کےجنوبی شہر خان یونس میں تنظیم کے ہیڈکوارٹر کو نشانہ بنایا ہے ۔ ہلال احمر کی طرف سے ایکس ( سابق ٹویٹر ) پر جاری بیان میں کہا گیا ہے کہ خان یونس میں تنظیم کے ہیڈ کوارٹر کی بالائی منزلوں پر اسرائیلی توپ خانے کی گولہ باری میں متعدد افراد زخمی ہوئے ہیں۔

? Urgent: Artillery shelling targets the upper floors of the PRCS headquarters in #KhanYounis, causing several injuries among the displaced individuals, as thousands of IDPs are sheltering in the building.#Gaza#NotATarget ❌ pic.twitter.com/zCHyva5Pu7

— PRCS (@PalestineRCS) December 26, 2023

بیان میں مزید کہا گیا ہے کہ غزہ میں اسرائیلی فوجی کارروائیوں کے نتیجہ میں بے گھر ہونے والے فلسطینیوں میں سے ہزاروں افراد نے ہلال احمر کے ہیڈکوارٹر میں پناہ لے رکھی ہے