امریکہ کی جانب سے اسرائیل کو مزید اسلحہ کی فراہمی

امریکہ نے اسرائیل کو کانگریس کی منظوری کے  بغیر گولہ بارود فراہم کرنے کی منظوری دے دی ہے۔
قطری خبر رساں ادارے کی خبر کے مطابق امریکی صدر جو بائیڈن کی انتظامیہ نے ایک بار پھر کانگریس کو نظر انداز کرتے ہوئے اسرائیل کو ہنگامی ہتھیاروں کی فروخت کو گرین لائٹ کر دیا ہے۔

اس منظوری نے بڑھتے ہوئے بین الاقوامی غم و غصے کے باوجود غزہ کی پٹی پر اپنے حملوں کو مزید تیز اور وسیع کر دیا ہے۔

امریکی وزیر خارجہ انٹونی بلنکن نے کانگریس کو بتایا کہ انہوں نے ایک ماہ سے بھی کم عرصے میں اسرائیل کو 14 کروڑ 75 لاکھ ڈالر کے سازوسامان کی فروخت کے حوالے سے دوسری مرتبہ ہنگامی صورتحال کا فیصلہ کیا ہے۔

بیان میں کہا گیا ہے کہ اسرائیل کی دفاعی ضروریات کو مدنظر رکھتے ہوئے وزیر خارجہ نے کانگریس کو مطلع کیا کہ انہوں نے ہنگامی صورتحال کا تعین کرنے کے لیے اپنے تفویض کردہ اختیارات کا استعمال کیا ہے جس کے لیے فوری طور پر منتقلی کی منظوری درکار ہے۔